ایران کو کشیدگی کم کرنے کےلیے ترکیہ آمادہ کرے: امریکہ

امریکہ کی جانب سے مطالبہ سامنے آیا ہے کہ ایران کو کشیدگی کم کرنے پر ترکیہ آمادہ کرے۔

انقرہ  میں امریکی سفیر جیف فلیک نے صحافیوں سے گفتگو کرتے ہوئے کہا کہ ترکیہ سمیت دیگر اتحادی ممالک  ایران کو مشرق وسطیٰ میں کشیدگی کم کرنے پر آمادہ کریں۔

 جیف فلیک نے کہا کہ ترک رابطہ کار کوشش کر رہے ہیں کہ حالات مزید کشیدہ نہ ہوں۔

انہوں نے خیال ظاہر کیا کہ امریکہ اور ترکیہ کے تعلقات اب بہتر جگہ پر ہیں۔

واضح رہے کہ حماس اور حزب اللہ کے  اعلی اراکین کے قتل کے بعد سے ایران کی جانب سے اسرائیل پر ممکنہ حملے کا خدشہ ظاہر کیا جارہا ہے۔