اسرائیل کا تل کریم میں ایک کار پر راکٹ حملہ، 5 افراد ہلاک

مقبوضہ مغربی کنارے کے شہر تلکریم میں ایک کار پر اسرائیلی فوجیوں کے فضائی حملے میں 5 فلسطینی اپنی جان سے ہاتھ دھو بیٹھے۔

فلسطینی خبر رساں ایجنسی WAFA کے مطابق اسرائیلی فوج نے تل کریم کے شمال میں واقع قصبوں عطیل اور زیتا کو ملانے والی سڑک پر ایک کار پر ڈراون فضائی حملہ کیا۔

دو راکٹوں  کا نشانہ بننے  والی گاڑی میں آگ لگ گئی اور اس میں سوار افراد جل کر ہلاک ہو گئے۔

تلکریم کے سبیت سبیت سرکاری  اسپتال کے ذرائع نے اعلان کیا کہ حملے کے بعد 5 جلی ہوئی لاشیں اسپتال لائی گئیں، اور ان میں سے ایک تل کریم مہاجر کیمپ میں مقیم  25 سالہ حیسم نورالدین بلئیدی کی تھی۔

بتایا گیا  ہے کہ بلئیدی  حماس کی فوجی شاخ عزت الدین الا قسام  بریگیڈز کے تل کریم کمانڈروں میں شامل تھا۔

تل کریم کے قومی ایکشن گروپ نے اس حملے کے بعد ایک  عام ہڑتال اور سوگ کا اعلان کیا۔

اسرائیلی فوج نے اطلاع دی ہے کہ مذکورہ گاڑی میں مسلح مزاحمت کار موجود تھے۔

دوسری جانب اسرائیلی فورسز نے مشرقی القدس کے محلے  عیساویہ پر چھاپے کے دوران فلسطینیوں اور ان کے گھروں پر براہ راست گولیاں، آنسو گیس اور اسٹن گرینیڈ فائر کیے۔ جھڑپوں میں 3 فلسطینی زخمی ہوئے۔

بیت المقدس کے مغرب میں واقع گاؤں حسان میں فوجی گاڑیوں کے ذریعے کیے گئے چھاپے میں ایک 16 سالہ لڑکے کو اور نبلوس میں چھاپے میں 4 فلسطینیوں کو حراست میں لیا گیا۔