امریکہ نے حوثیوں کے نئے ٹھکانوں پر حملہ کر دیا

امریکہ نے حوثیوں کی جانب سے بحیرہ احمر میں مزید حملوں کی دھمکی کے چند گھنٹے بعد یمن میں حوثی گروپ کے نئے ٹھکانوں پر حملہ کیا ہے۔

امریکی سینٹرل کمان سینٹ کام  نے اعلان کیا ہے کہ اس کی افواج نے یمن میں ایرانی نواز حوثی گروپ سے تعلق رکھنے والے چھ طیارہ شکن کروز میزائلوں کو نشانہ بنایا جہ کہ میزائل بحیرہ احمر کی طرف داغے جانے کے لیے تیار تھے۔

سینٹ کام نے ایکس پلیٹ فارم پر  ایک بیان میں کہا کہ اس کی افواج نے کل شام اپنے دفاع میں جنوبی بحیرہ احمر کے اوپر ایک ڈرون کو بھی مار گرایا۔

 واضح رہے کہ فوجی حکام کا کہنا ہے کہ میزائل اور ڈرون خطے میں تجارتی بحری جہازوں اور امریکی بحریہ کے بحری جہازوں کے لیے خطرہ ہیں۔