ایران نے روس کے ڈپٹی سفیر کو وزارت خارجہ طلب کر لیا

ایران نے خلیج بصرہ کے تین متنازع جزائر کے بارے میں جاری کئے گئے مشترکہ بیان کے خلاف ردعمل کے اظہار کے لئے تہران میں روس کے ڈپٹی سفیر کو وزارت خارجہ میں طلب کیا  ہے۔

ایران وزارت خارجہ کے تحریری بیان کے مطابق سفیر کی عدم موجودگی میں چارج ڈی افیئر کو وزارت خارجہ طلب کر کے احتجاجی مراسلہ دیا گیا ہے۔

بیان میں کہا گیا ہے کہ "خلیج بصرہ کے تین جزائر ایران کی ملکیت ہیں اور اس موضوع پر کسی بھی فریق کا دعوی ناقابل قبول ہے"۔

روسی ڈپلومیٹ نے کہا ہے کہ ایران کے اعتراضات کو بِلا تاخیر ماسکو پہنچا دیا  جائے گا۔

واضح رہے کہ مراکش میں 20 دسمبر کو منعقدہ روس۔عرب فورم کے بعد جاری کئے گئے مشترکہ اعلامیے میں" متحدہ عرب امارات  کی، تنب اکبر، تنب اصغر اور ابو موسیٰ جزائر کے بارے میں، ایران کے ساتھ جاری عدم مفاہمت کو بین الاقوامی قانون کے دائرہ  کار میں اور دو طرفہ مذاکرات کے ذریعے حل کرنے کی تمام پُر امن کوششوں کی حمایت " پر زور دیا گیا تھا۔

اس موضوع پر ایران کے وزیر خارجہ حسین امیر عبداللہیان نے اپنے روسی ہم منصب سرگے لاوروف کے ساتھ کل ٹیلی فونک ملاقات بھی کی تھی۔