مسجد الاقصی میں اسرائیلی قوتوں کی پھر پامالی،ہزاروں آبادکار زبردستی داخل ہو گئے
یہودی تہوار ’’ عید الفصح‘‘ کے چوتھے دن یہودی آباد کاروں کو سخت حفاظتی انتظامات میں زبردستی مسجد اقصی کے احاطے میں داخل کرایا گیا جس کے بعد حالات مزید کشیدہ ہوگئے ہیں
گزشتہ ہفتے اسرائیلی پولیس کی جانب سے نمازیوں پر حملے کے بعد اس کے ارکان نے ایک مرتبہ پھر مسجد اقصی کے احاطوں پر دھاوا بول دیا۔
خبر کے مطابق،یہودی تہوار ’’ عید الفصح‘‘ کے چوتھے دن یہودی آباد کاروں کو سخت حفاظتی انتظامات میں زبردستی مسجد اقصی کے احاطے میں داخل کرایا گیا جس کے بعد حالات مزید کشیدہ ہوگئے ہیں۔
دراندازی کرنے والوں نے گروپوں کی شکل میں قبلہ اول پر دھاوا بولا اور اسرائیلی پولیس کی بھاری نفری ان کی حفاظت کرتی رہی ۔
القدس کے قدیم شہری علاقے میں شدید تناؤ کی کیفیت میں بھی یہودیوں نے مسجد اقصی کی بے حرمتی کی اور وہاں پر اپنی رسومات ادا کیں۔
دوسری طرف فلسطینی ایوان صدر کے سرکاری ترجمان نبیل ابو ردینہ نےکہا ہے کہ مسجد اقصیٰ کے خلاف مسلسل اسرائیلی اشتعال انگیزی ناقابل قبول ہے۔ اسرائیلی جارحیت مسجد اقصی کے صحن کو میدان جنگ میں تبدیل کر دے گی اور صورتحال سنگین ہو جائے گی۔
ابو رودینہ نے مزید کہا کہ رمضان کے مہینے میں مقدس مقامات اور ان میں عبادت گزاروں کے خلاف روزانہ حملے قابل مذمت اقدامات اور ناقابل قبول ہیں ۔
گزشتہ روز اسرائیل کی جانب سے مسجد اقصی کا تقدس پھر پامال کیا گیا ہے۔
واضح رہے کہ بدھ کے روز صہیونی قوتوں نے مسجد اقصی میں داخل ہوکر فلسطینی نمازیوں کو بہیمانہ تشدد کا نشانہ بنایا تھا اور متعدد فلسطینیوں کو گرفتار بھی کرلیا تھا۔
اسرائیل کی اس جارحیت کی بین الاقوامی سطح پر شدید مذمت کی گئی ہے ۔
متعللقہ خبریں
اسرائیلی فوج کی لبنان پر بمباری جاری ،فاسفورس بموں کا استعمال
اسرائیلی فوج کے 8 اکتورب سے اب تک سرحد پار کاروائیوں میں حزب اللہ کے 278 کارندے مارے جا چکے ہیں۔
حماس: صدر ایردوان نے ہمارا سر فخر سے بلند کر دیا ہے
صدر ایردوان نے حماس کو قوائے ملیّہ سے مشابہہ قرار دے کر ہمارا سر فخر سے بلند کر دیا ہے: حماس