اسرائیل نے مزید ایک فلسطینی نوجوان کو شہید کر ڈالا
اسرائیلی فوجیوں نے چھاپوں میں براہ راست گولیوں اور آنسو گیس کے بموں کا استعمال کیا
اسرائیلی فوجیوں نے مقبوضہ مشرقی القدس اور دریائے اردن کے مغربی کنارے میں چھاپوں کے دوران ایک فلسطینی کو ہلاک اور 22 کو حراست میں لے لیا۔
سرکاری وائس آف فلسطین کے مطابق اسرائیلی فوج نے القدس کے شمال میں واقع قصبے کفر عقاب میں ایک فلسطینی کے گھر پر چھاپہ مارا۔ اس دوران گولی لگنے سے شدید زخمی ہونے والے فلسطینی نوجوان کو اسرائیلی فوجیوں نے حراست میں لے لیا۔
یروشلم کے گورنر کے دفتر کی جانب سے شدید زخمی فلسطینی کے حوالے سے جاری کیے گئے ایک تحریری بیان میں کہا گیا ہے کہ ’’شمالی القدس میں اسرائیلی فوج کی گولی کا نشانہ بننے والا فلسطینی محمد الحشام شہید ہوگیا ہے۔‘‘ جس کی نعش تا حال اسرائیل کے قبضے میں ہے۔
دوسری جانب وائس آف فلسطین ریڈیو نے اطلاع دی ہے کہ مغربی کنارے کے مختلف شہروں اور قصبوں میں اسرائیلی فوج کے چھاپوں میں کم از کم 22 فلسطینیوں کو حراست میں لیا گیا ہے۔
عینی شاہدین نے بتایا کہ اسرائیلی فوجیوں نے چھاپوں میں براہ راست گولیوں اور آنسو گیس کے بموں کا استعمال کیا اور بعض مقامات پر خاص طور پر قصبہ کباتیہ میں اسرائیلی فوج اور فلسطینیوں کے درمیان جھڑپیں ہوئیں۔
متعللقہ خبریں
اسرائیلی فوج کے جنوبی لبنان پر حملے،16 افراد ہلاک
اسرائیلی فوج نے جنوبی لبنان پر 24 گھنٹوں کے دوران حملوں میں 16 افراد ہلاک کر دیئے