اسرائیل میں پارلیمنٹ تحلیل، قبل از وقت انتخابات کا اعلان

اسرائیل میں گزشتہ روز پارلیمنٹ کے تحلیل ہونے اور یکم نومبر کو قبل از وقت انتخابات کرانے کے فیصلے کے اعلان کے بعد نفتالی بینیٹ نے وزارت عظمیٰ کے اختیارات  اپنے اتحادی ساتھی یائر لاپڈ کو سونپ دیے ہیں۔

قبل از وقت انتخابات کے فیصلے کی رات مخلوط حکومت میں وزیر خارجہ کے طور پر کام کرنے والے لیپڈ ملک کے 14ویں وزیر اعظم بن گئے۔

لیپڈ یکم نومبر کو ہونے والے انتخابات تک عبوری وزیر اعظم کے طور پر  فرائض ادا کریں گے۔  

اسرائیلی قانون سازوں نے گزشتہ روز قبل از وقت عام انتخابات کے انعقاد کے لیے  اسمبلی کی تحلیل  کے بل کو منظور  کرلیا تھا۔

بل کے ساتھ قبل از وقت انتخابات کی تاریخ بھی یکم نومبر 2022 کی منظوری دے دی گئی۔ اسرائیل میں تقریباً 3.5 سالوں میں یہ پانچویں عام انتخابات ہوں گے۔

بینیٹ اور لیپڈ، کثیر الجماعتی مخلوط حکومت کے شراکت داروں میں  شامل ہیں  جو ملک پر تقریباً ایک سال سے حکومت کر  رہے ہیں ۔  اس کثیر الجماعتی مخلوط حکومت نے 20 جون کی شام اسمبلی کو تحلیل کر کے قبل از وقت انتخابات کرانے کا فیصلہ کیا ہے۔

نفتالی بینیٹ نے 29 جون کو انتخابات میں امیدوار  نہ  ہونے کا اعلان کیا  تھا۔