ایران کے تیل کی برآمدات کو روکنے کے خلاف ایران کی سخت دھمکی

ایرانی پاسدارانِ انقلاب   سے منسلک   میڈیا    بازو  نے لکھا  ہے کہ  ان  کے ملک کی تیل کی برآمدات کی راہ  میں رکاوٹ کھڑی کرنے  کی صورت میں   علاقے سے  تیل کے  ٹینکروں کے گزر کی اجازت نہیں  دی جائیگی۔

روزنامہ جوان  میں شائع ہونےو الی ایک  تحریر میں   یونان  کی جانب سے  امریکی   مطالبے کے ساتھ ایرانی تیل   کو لیجانے والے ایک ٹینکر پر قبضہ کرتے ہوئے  تیل کو ضبط کرنے  کے  بعد ایران   کی  بھی جانب سے  یونان کے دو ٹینکروں کو اپنے قبضے میں لینے کی طرف اشارہ کیا گیا ہے۔

آرٹیکل میں خبردار کیا گیا  ہے کہ اگر ایران پر دباؤ جاری رہا تو خطے سے تیل کی ترسیل کی اجازت نہیں دی جائے گی۔

25 مئی کو یونان نے امریکہ کی درخواست پر ایرانی تیل لے جانے والے آئل ٹینکر لانا کو قبضے میں لے لیا اور عدالتی فیصلے کے ساتھ تیل کو ضبط کرلیا تھا۔

پاسداران انقلاب کی فوج نے 25 مئی کو خلیج فارس میں یونان کے دو آئل ٹینکرز پروڈنٹ واریر اور ڈیلٹا پوسیڈن کو قبضے میں لیتے ہوئے  ٹینکروں سے تقریباً 1.8 ملین بیرل تیل ضبط کر لیا تھا۔