سعودی فرماں روا صحت یابی کے بعد اسپتال سے فارغ ہو گئے

 سعودی عرب کے   فرماں روا شاہ سلمان بن عبدالعزیز طبی معائنے اور علاج کے بعد ہسپتال سے رخصت ہوگئے۔

شاہی دیوان خاص کے مطابق، شاہ سلمان بن عبدالعزیز طبی معائنے کے بعد جدہ کے شاہ فیصل اسپیشلسٹ ہسپتال میں زیر علاج تھے وہ ہسپتال سے کامل صحت یابی کے بعد  فارغ ہوگئے ہیں۔

شاہ سلمان نے اس موقع پر سعودی عوام کا شکریہ ادا کرتے ہوئے کہا کہ سعودی عوام اور اپنے ان بیٹوں اور بیٹیوں کے شکر گزار ہیں جنہوں نے صحت یابی کے لیے دعائیں کیں۔

 یاد رہے کہ 8 مئی کو شاہ سلمان بن عبدالعزیز  ہسپتال میں داخل ہوئے تھے جہاں کی ان کلونو اسکوپی کی گئی تھی جس کے ٹیسٹ منفی آئے تھے۔