عراق: داعش کا حملہ، 3 عراقی فوجی ہلاک

دہشت گرد تنظیم داعش نے کرکوک میں سڑک کے کنارے نصب بم اڑا دیا، حملے میں 3 عراقی فوجی ہلاک

1767493
عراق: داعش کا حملہ، 3 عراقی فوجی ہلاک

دہشت گرد تنظیم داعش نے عراق کے شہر کرکوک میں سڑک کے کنارے نصب بم کو ریموٹ کنٹرول سے اڑا دیا، حملے میں 3 عراقی فوجی ہلاک ہو گئے ہیں۔

کرکوک پولیس ڈائریکٹریٹ کے پریس ترجمان امیر نوری نے کہا ہے کہ شہر کی جنوبی تحصیل داکوک کے جوار میں واقع دیہات تلیع الرامیل اور ال بُو شہاب کے درمیانی راستے پر سڑک کے کنارے نصب ریموٹ کنٹرول بم عراقی فوج کی گاڑی گزرنے کے دوران اُڑا دیا گیا۔

نوری نے کہا ہے کہ داعش کے دہشت گردوں کی طرف سے کئے گئے اس حملے میں 3 فوجی ہلاک اور ایک زخمی ہو گیا ہے۔ حملے کے بعد تحصیل داکوک کے جوار میں آپریشن شروع کروا دیا گیا ہے۔ آپریشن تحصیل کے جنوبی دیہی علاقے میں بھی جاری رہے گا۔

واضح رہے کہ دہشت گرد تنظیم داعش نے 21 جنوری کو بھی صوبہ دیالہ سے منسلک قصبے ازائیم میں فوجیوں پر حملہ کیا تھا۔ حملے میں 11 عراقی فوجی ہلاک ہو گئے تھے۔

 


ٹیگز: #داعش , #عراق

متعللقہ خبریں