عراق میں داعش کا خونریز حملہ،13 افراد ہلاک
ایک عراقی پولیس افسر نے بتایا کہ یہ حملہ آج صبح شہر کرکوک سے جنوب کی طرف تقریباﹰ 65 کلو میٹر کے فاصلے پر واقع الرَشد نامی علاقے میں ایک سکیورٹی چیک پوائنٹ پر کیا گیا
1702768
عراق میں داعش کے ایک تازہ خونریز حملے میں تیرہ پولیس اہلکار مارے گئے ہیں۔
ایک عراقی پولیس افسر نے بتایا کہ یہ حملہ آج صبح شہر کرکوک سے جنوب کی طرف تقریباﹰ 65 کلو میٹر کے فاصلے پر واقع الرَشد نامی علاقے میں ایک سکیورٹی چیک پوائنٹ پر کیا گیا۔
حملے کا نشانہ عراق کی وفاقی پولیس کو بنایا گیا جبکہ تین سکیورٹی اہلکار زخمی بھی ہوئے۔
کرکوک میں طبی ذرائع نے بھی تیرہ ہلاکتوں کی تصدیق کر دی ہے۔
ابھی تک کسی گروہ نے اس حملے کی ذمہ داری قبول نہیں کی۔
یاد رہے کہ 19 جولائی کے دن بغداد کے نواحی شیعہ اکثریتی علاقے صدر کی ایک مارکیٹ میں بھی داعش نے ایک دہشت گردانہ حملہ کیا تھا، جس میں تیس افراد ہلاک ہوئے تھے۔
