غیر ملکی قوتوں کی عراق میں موجودگی مسترد کرتے ہیں:برہم صالح

عراق کے صدر برہم صالح نے کہا ہے کہ  ان کا ملک اور امریکہ غیر ملکی قوتوں کی عراق میں موجودگی کو مسترد کرتےہوئے داعش کے خلاف جنگ کو جاری رکھیں گے۔

 امریکہ کی  بروکنگز انسٹیٹیوٹ کی جانب سے مشرقی وسطی اور نئی امریکہ انتظامیہ کے زیر عنوان  ایک کانفرنس سے خطاب میں عراقی صدر نے کہا کہ  داعش کے خلاف ہمارا فرض ابھی ادھورا ہے،شام میں دہشتگردی کے ٹھکانوں اور اس کے خلاف جنگ جاری رکھنے کی ضرورت ہے۔

 عراق صدر نے کہا کہ عراقی اور امریکی انتظامیہ  عراق میں غیر ملکی جنگوں کی موجودگی مسترد کرتی ہیں،ایران سے اچھے تعلقات ہمسائیگی میں استحکام کے حوالے سے اچھا اثر ڈالیں گے۔

انہوں نے مزید کہا کہ عراق خلیجی تعاون کونسل  کے رکن ممالک کے ہمراہ تعلقات کو مضبوط بنانے میں مصروف ہے اور عراق نے خطے میں اہم کردار ادا کیا ہے۔

 واضح رہے کہ داعش کے خلاف جنگ  کے لیےامریکی زیر قیادت اتحادی فوج میں تین ہزار فوجی موجود ہیں۔