لبنان کے دارالحکومت بیروت میں اسرائیل کے جنگی طیاروں کی نیچی پروازیں

اسرائیل کے جنگی طیاروں نے لبنان کے مختلف علاقوں میں فضائی حدود کی خلاف ورزی کی اور  دارالحکومت بیروت میں نیچی پروازیں کی ہیں۔

لبنان کی سرکاری خبر رساں ایجنسی NNA کے مطابق  اسرائیلی جنگی طیاروں نے لبنان کی فضائی حدود کی خلاف ورزی کر کے جنوبی صوبے نباتیہ میں اور اس کے بعد دارالحکومت بیروت  اور بقا کے علاقوں میں نیچی پروازیں کی ہیں۔

تاہم خبر میں طیاروں کی تعداد کے بارے میں کوئی معلومات فراہم نہیں کی گئیں۔

واضح رہے کہ اسرائیل کے ڈرون طیارے، جنگی طیارے اور جنگی کشتیاں ایک تواتر سے لبنانی حدود کی خلاف ورزیاں کرتی رہتی ہیں ۔

لبنانی حکام بھی ہر موقع پر اقوام متحدہ سے  ان خلاف ورزیوں کی شکایت کرتے رہتے ہیں۔