کورونا وائرس اور اسرائیلی قبضہ فلسطینی اقتصادیات کو تباہی کی طرف گھسیٹ رہا ہے
اگر فلسطین میں اقتصادی گراوٹ جاری رہی تو بڑے پیمانے پر تباہی کی راہ ہموار ہو گی: جمال الخضری
کورونا وائرس اور اسرائیل کا قبضہ فلسطینی اقتصادیات کو تباہی کی طرف گھسیٹ رہا ہے۔
غزہ محاصرہ توڑنے کے لئے عوامی کمیٹی کے سربراہ جمال الخضری نے جاری کردہ تحریری بیان میں کہا ہے کہ غزہ اور مقبوضہ دریائے اردن کے مغربی کنارے میں محاصرے اور کووِڈ۔19 کے خلاف جدوجہد کے دائرہ کار میں اختیار کی جانے والی تدابیر کی وجہ سے اقتصادی گراوٹ کا سامنا ہے۔ اگر یہ اقتصادی گراوٹ جاری رہی تو بڑے پیمانے پر تباہی کی راہ ہموار ہو گی۔
خضری نے کہا ہے کہ "یہ ایک بڑا بحران ہے اور مزدورں، فیکٹریوں، تجارت، زراعت، سیاحت اور تعمیراتی سیکٹروں پر اس کے اثرات حقیقتاً بہت خطرناک ہیں"۔
انہوں نے کہا ہے کہ "اقتصادیات نہایت تیز رفتاری سے بے مثال شکل میں گراوٹ کی طرف جا رہی ہے۔ خاص طور پر اسرائیل کے زیر قبضہ علاقے غزہ میں بحران شدت اختیار کر گیا ہے"۔
جمال الخضری نے عربوں اور بین الاقوامی تنظیموں سے قبضے کی وجہ سے پہلے ہی مشکل حالات سے دوچار سیکٹروں کے ساتھ تعاون کرنے کی اپیل کی ہے۔
متعللقہ خبریں
اسرائیلی فوج کے جنوبی لبنان پر حملے،16 افراد ہلاک
اسرائیلی فوج نے جنوبی لبنان پر 24 گھنٹوں کے دوران حملوں میں 16 افراد ہلاک کر دیئے