موصل میں شدید لڑائی جاری
عراقی دستوں کو لڑائی کے دوران داعش کی طرف سے شدید مزاحمت کا سامنا ہے، داعش کے شدت پسند جنگجو حملے اور خودکش دھماکے کر رہے ہیں داعش نے موصل میں سرنگیں بھی کھودی ہوئی ہیں جن کی مدد سے وہ عراقی فوج پر آسانی سے حملے کر رہے ہیں
609688
موصل کو داعش سے آزاد کرانے کیلیے لڑائی چوتھے ہفتے میں داخل ہوگئی ہے۔
عراقی دستوں کو لڑائی کے دوران داعش کی طرف سے شدید مزاحمت کا سامنا ہے، داعش کے شدت پسند جنگجو حملے اور خودکش دھماکے کر رہے ہیں داعش نے موصل میں سرنگیں بھی کھودی ہوئی ہیں جن کی مدد سے وہ عراقی فوج پر آسانی سے حملے کر رہے ہیں۔
داعش کی طرف سے سخت مزاحمت کے باوجود عراقی فوج کی موصل میں پیش قدمی جاری ہے، لڑائی کے دوران عراقی دستوں کو امریکی فضائیہ کی بھی مدد حاصل ہے۔
عام شہری موقع ملتے ہی محفوظ مقامات کی جانب منتقل ہونے کی کوشش کر رہے ہیں اور اب تک 50 ہزار کے قریب افراد شہر سے باہر نکلنے میں کامیاب ہو چکے ہیں۔
