عراقی شیعہ رہنما مقتدیٰ الصدرنے بغداد میں پارلیمان کے باہر جارے دھرنے کو ختم کرنے کا اعلان کردیا
مقتدیٰ الصدر کے حامی عراق میں آئینی اصلاحات اور کرپشن کے خاتمے کا مطالبہ کر رہے ہیں۔ مظاہرین کا کہنا ہے کہ عراقی حکومت اصلاحات کے لیے سنجیدہ نہیں ہے۔ اس واقعے کے بعد بغداد انتظامیہ نے گرین زون کی سکیورٹی میں اضافہ کر دیا ہے
عراق کے دارالحکومت بغداد میں ٹیکنو کریٹ حکومت تشکیل دینے کے خواہاں مظاہرین نےاپنا مظاہرہ ختم کردیا ہے۔
عراقی شیعہ رہنما مقتدیٰ الصدرنے بغداد میں پارلیمان کے باہر جارے دھرنے کو ختم کرنے کا اعلان کردیا ہے۔
گزشتہ روز درجنوں مظاہرین رکاوٹیں عبور کرتے ہوئے عراقی پارلیمان کی عمارت کے اندر داخل ہو گئے تھے۔
مقتدیٰ الصدر کے حامی عراق میں آئینی اصلاحات اور کرپشن کے خاتمے کا مطالبہ کر رہے ہیں۔ مظاہرین کا کہنا ہے کہ عراقی حکومت اصلاحات کے لیے سنجیدہ نہیں ہے۔ اس واقعے کے بعد بغداد انتظامیہ نے گرین زون کی سکیورٹی میں اضافہ کر دیا ہے۔
اِس سے قبل، ہفتے ہی کے دِن کورم پورا نہ ہونے کے باعث نئی حکومت کی تشکیل نو کے لیے نامزد کردہ ارکان کی منظوری لینے کے لیے بلایا گیا پارلیمان کا اجلاس معطل کیا گیا۔
مقتدا الصدر کے حامی، جن میں زیادہ تعداد نوجوانوں کی ہے، راستے کی رکاوٹیں عبور کرکے پارلیمان کی عمارت کے اندر داخل ہوئے اور نعرے بازی کی۔
عراق میں جاری سیاسی بحران کی وجہ سے دہشت گرد تنظیم داعش کے خلاف جدو جہد پر اس کے منفی اثرات مرتب ہونے ہونے کا خدشہ محسوس کیا جا رہا ہے۔
متعللقہ خبریں
صدر ایردوان کا دورہ عراق آنے جانے والی بات نہیں ہو گا، وزیر اعظم عراق
پہلی بار دونوں ممالک کے درمیان مسائل کو ملتوی کرنے کے بجائے حل کرنے کا ارادہ موجود ہے
