روس داعش کے بہانے شام میں مداخلت بڑھا رہا ہے: امریکہ
امریکی ترجمان ایرک شولز نے کہا ہے کہ روس داعش کے بہانے شام میں فرقہ وارانہ جنگ کو ہوا دینے کی کوشش کر رہا ہے
431813
امریکی انتظامیہ کا کہنا ہے کہ داعش کے بہانے روس کی شام میں مداخلت کافی حد تک بڑھ چکی ہے۔
وائٹ ہاوس کے ترجمان ایرک شولز نےشام میں جزوی فائر بندی کے معاہدے کی اہمیت اجاگر کرتے ہوئےکہا کہ اصل مسئلہ اس معاہدےکی پابندی کو لازمی بنانا ہے ۔
امریکی ترجمان نےکہا کہ روس نے شام میں داعش سے محفوظ علاقوں پر بھی بمباری جاری رکھی ہوئی ہے جس سے انسانی المیہ رونما ہو رہا ہے اور ہمارا خیال ہے کہ روس داعش کے بہانے شام میں فرقہ وارانہ جنگ کو ہوا دینے کی کوشش کر رہا ہے۔
اس اثنا میں روسی فضائیہ نےشمالی حلب میں مخالفین کے زیر کنٹرول قصبے عازیز اور اس سے ملحقہ دیہاتوں پر بمباری کی ہے ۔