مصر میں سیکورٹی فورسز پر حملوں کا سلسلہ جاری

مصر میں فوج کی جانب سے حکومت کا تختہ الٹے جانے کے بعد تشدد کے واقعات کا سلسلہ جاری ہے۔
حالیہ کچھ عرصے سے مظاہرین اور سیکورٹی فورسز کے درمیان جھڑپوں میں اضافہ ہونے کی اطلاعات موصول ہو رہی ہیں۔
قاہرہ کے مغرب میں ال جیزے کے علاقے میں پولیس کے چیکنگ پوائنٹ پر نامعلوم افراد کی جانب سے کیے جانے والے حملے کے نتیجے میں تین پولیس اہلکار زخمی ہوگئے ہیں۔
زخمی پولیس اہلکاروں کو علاج و معالجے کی غرض سے ہسپتال منتقل کردیا گیا ہے۔
ابھی تک اس حملے کی ذمہ داری کسی بھی گروپ نے قبول نہیں کی ہے۔
کل قاہرہ کے شمال میں ال قلبیہ کے علاقے میں سیکورٹی فورسز پر ہونے والے حملے کے نتیجے میں ایک فوجی افسر اور دو سپاہی زخمی ہوگئے تھے۔
مصر میں فوجی انقلاب کے بعد ملک بھر میں وقفوں وقفوں سے سیکورٹی فورسز پر حملوں کا سلسلہ جاری ہے۔