روس کی طرف سے چین کے ساتھ اظہارِ تعزیت

روس کے صدر ولادی میر پوتن نے چین کے صدر شی جن پنگ کے ساتھ اظہارِ تعزیت کیا ہے۔

کریملن سے جاری کئے گئے بیان کے مطابق ولادی میر پوتن نے، چین کے خود مختار علاقے تبت میں زلزلے اور اموات کی وجہ سے، عوامی جمہوریہ چین کے صدر شی جن پنگ کے ساتھ اظہارِ تعزیت کیا ہے۔

واضح رہے کہ چین کے علاقے تبت میں صبح کے وقت زلزلے کے جھٹکے محسوس کئے گئے تھے۔ زلزلے میں 95 افراد ہلاک اور 130 زخمی  ہو گئے ہیں۔

زلزلے کا مرکز تبت کے دوسرے بڑے شہر 'شیگاستے'  کے جوار میں  تھااور اس  کی زیرِ زمین گہرائی 10 کلو میٹر ریکارڈ کی گئی ہے۔