بھارت: مسافر بس وادی میں گر گئی،23 افراد ہلاک

ہندوستان کی ریاست اتراکھنڈ   میں ایک بس کے وادی میں گرنے کے نتیجے میں ابتدائی اطلاعات کے مطابق 23 افراد ہلاک  ہو گئے۔

ہندوستان ٹائمز اخبار کی رپورٹ کے مطابق، گڑھوال سے کماؤں علاقے کی طرف جانے والی ایک بس 200 میٹر گہری کھائی میں گر گئی۔

حکام کے مطابق، حادثے میں ابتدائی طور پر 23 افراد کی موت کی تصدیق ہوئی ہے۔

حکام نے بتایا کہ بس میں کم از کم 40 مسافر سوار تھے اور تلاش و بچاؤ کی کارروائیاں جاری ہیں۔