نیپال میں مون سون بارشوں نے تباہی مچا دی،درجنوں افراد ہلاک

نیپال میں وسط جون سے اب تک بارش جاری ہیں جس کی وجہ سے سیلاب ، لینڈ سلائیڈنگ کے واقعات میں 62 افراد ہلاک اور 90 زخمی  ہوچکے ہیں

2160221
نیپال میں مون سون بارشوں نے تباہی مچا دی،درجنوں افراد ہلاک

نیپال میں مون سون کی مسلسل  بارشوں نے تباہی مچادی،مختلف واقعات میں کم از کم 14 افراد ہلاک ہوگئے۔

خبر کے مطابق، نیپال میں ان دنوں شدید مون سون بارشیں جاری ہیں جس کی وجہ سے سڑکیں ندی نالوں کا منظر پیش کرنے لگیں ہیں اور دریاؤں میں پانی کی سطح خطرناک حد تک بلند ہوگئی ہے۔

حکام کا کہنا ہے کہ سیلاب اورلینڈ سلائیڈنگ کے واقعات کے باعث 36 گھنٹوں کے دوران14 افراد ہلاک،12 زخمی اور 9افراد لاپتہ ہوگئے ہیں۔

مقامی پولیس کا کہنا ہے کہ متاثرہ علاقوں میں ریسکیو ٹیمیں کام کررہی ہیں اور لاپتہ افراد کی تلاش بھی جاری ہے۔ 

یاد رہے کہ نیپال میں وسط جون سے اب تک بارش جاری ہیں جس کی وجہ سے سیلاب ، لینڈ سلائیڈنگ کے واقعات میں 62 افراد ہلاک اور 90 زخمی  ہوچکے ہیں۔



متعللقہ خبریں