31 جولائی کے بعد امریکا اور طالبان کے درمیان پہلی اعلیٰ سطحی ملاقات

31 جولائی کو دہشت گرد تنظیم القاعدہ کے سربراہ ایمن الظواہری کی ہلاکت کے بعد امریکا اور طالبان کے درمیان پہلی اعلیٰ سطحی ملاقات قطر کے دارالحکومت دوحہ میں ہوئی ہے ۔

سی این این کی رپورٹ کے مطابق امریکی سینٹرل انٹیلی جنس ایجنسی (سی آئی اے) کے ڈپٹی ڈائریکٹر ڈیوڈ کوہن نے طالبان انٹیلی جنس چیف عبدالحق واسک سے  ون ٹو ون ملاقات ہوئی ہے۔

اطلاع کے مطابق  ملاقات میں دہشت گردی کے خلاف جنگ پر تبادلہ خیال کیا گیا۔

امریکا اور طالبان کے درمیان آخری قیدیوں کا تبادلہ ستمبر میں ہوا تھا۔

طالبان کے زیر حراست امریکی شہری مارک فریچس کو حاجی بشیر نورزی کے بدلے رہا کیا گیا جو طالبان کے بانی رہنما ملا عمر کے قریبی سمجھے جاتے ہیں۔

القاعدہ کے بانی اسامہ بن لادن کے جانشین ایمن الظواہری کو 31 جولائی کو ایک امریکی ڈرون (یو اے وی) کے ذریعے کابل کے مرکز میں مارا گیا۔