افغانستان، سکھوں کے گردوارے پر حملے میں کم از کم 2 افراد ہلاک

افغان دارالحکومت کابل  میں سکھوں کے گردوارے  پر  بم اور ہتھیاروں سے حملہ کیا گیا۔

 طالبان حکومت کی وزارتِ داخلہ کے ترجمان عبدالنفی نے دھماکوں کی تصدیق کرتے ہوئے بتایا کہ حملے میں ایک طالبان سیکیورٹی اہلکار اور ایک سکھ کی ہلاکت ہوئی ہے جب کہ دیگر 7 افراد زخمی ہوئے ہیں۔

اس سے قبل وزارتِ داخلہ نے ایک بیان میں کہا تھا کہ حملہ آوروں کے ایک گروپ نے کابل شہر کے کارتہ پروان کے علاقے میں گرودوارے پر صبح ساڑھے چھ بجے حملہ کیا۔

گردوارے کے ایک دروازے سے 3 سکھ یاتری کسی طرح نکلنے میں کامیاب ہوگئے جن میں سے دو زخمی ہیں۔ زخمیوں کو اسپتال منتقل کردیا گیا ہے 

عینی شاہدین کے مطابق یہ حملہ ہندو اور سکھ مذاہب کے افراد کی جانب سے مندر میں منعقدہ ایک رسم کے دوران ہوا۔

 گردوارے کی عمارت سے سیاح دھواں نکل رہا ہے اور طالبان اہلکار نے گردوارے کو محاصرے میں لیا ہوا ہے۔

اس حملے کی ذمہ داری تا حال کسی نے قبول نہیں کی۔