بنگلہ دیش: مقامی انتخابات میں پُر تشدد واقعات، 10 افراد ہلاک

بنگلہ دیش میں مقامی انتخابات کے 5 ویں مرحلے میں پیش آنے والے تشدد کے واقعات میں 10 افراد ہلاک اور بیسیوں زخمی ہو گئے ہیں۔

مقامی ذرائع ابلاغ کے مطابق انتخابات کے دوران تشدد کے واقعات میں 6 افراد ووٹوں کی گنتی کے دوران 4 افراد ہلاک اور کثیر تعداد میں افراد زخمی ہو گئے ہیں۔

دوسری طرف بنگلہ دیش کے انتخابی حکام نے جاری کردہ بیان میں کہا ہے کہ چند واقعات کے علاوہ ملک بھر میں انتخابات پُر امن رہے۔

انتخابی کمیشن کے سیکرٹری ہمایوں کبیر خانداکر نے انتخابی نتائج کو قبول کرنے کی اپیل کی ہے۔

واضح رہے کہ مرکزی حزب اختلاف پارٹی BNP نے انتخابات کا بائیکاٹ کر دیا تھا۔ پارٹی کا موقف تھا کہ ملک کے غیرموافق انتخابی ماحول نے انتخابات میں منصفانہ شرکت کے راستے میں رکاوٹ کھڑی کی ہے۔