افغانستان میں امن پورے خطے کی خوشحالی کیلئے ناگزیر ہے: اسپیکر قومی اسمبلی اسد قیصر

سپیکر قومی اسمبلی اسد قیصر نے کہا ہے کہ افغانستان میں امن پورے خطے کی خوشحالی کیلئے ناگزیر ہے ۔ اتوار کے روزصوابی میں ایک تقریب سے خطاب کرتے ہوئے انہوں نے کہاکہ پاکستان افغانستان میں امن کا خواہاں ہے جس سے پورے خطے کے حالات پرمثبت اثرات مرتب ہوںگے۔

اسد قیصر نے کہاکہ رشکئی اقتصادی زون سے معاشی سرگرمیوں کو فروغ ملے گا اورروزگار کے سینکڑوں مواقع پیداہوںگے۔انہوں نے کہاکہ کورونا کی عالمی وبا کے باعث پوری دنیا میں معاشی سرگرمیاں بری طرح متاثر ہوئی ہیں ۔سپیکر قومی اسمبلی نے مزید کہاکہ حکومت خیبرپختونخوا میں بڑے منصوبوں کے افتتاح سمیت عوام کی فلاح کیلئے ٹھوس اقدامات کررہی ہے ۔