چین: دو بحری جہازوں میں تصادم، 3 افراد ہلاک

دریائے یانگ زی میں دو کنٹینر بحری جہازوں میں تصادم کے نتیجے میں 3 افراد ہلاک، 5 لاپتہ

1545237
چین: دو بحری جہازوں میں تصادم، 3 افراد ہلاک

چین کے شہر شنگھائی سے گزرنے والےدریائے یانگ زی  میں دو کنٹینر بحری جہازوں میں تصادم کے نتیجے میں 3 افراد ہلاک ہو گئے ہیں۔

اطلاع کے مطابق 'اوشیانا' اور' شنکی شینگ' نامی دو کنٹینر بحری جہاز دریائے یانگ زی کے مشرقی بحیرہ چین کے ساتھ نقطہ اتصال کے مقام پر ایک دوسرے سے ٹکرا گئے۔

روز نامہ چائنہ ڈیلی کے  مطابق 165 میٹر طویل اور 650 کنیٹیروں پر مشتمل 'شنکی شینگ 69' نامی بحری جہاز تصادم کے بعد ڈوب گیا۔

امدادی ٹیموں نے 16 رکنی عملے میں سے 8 کو بچا  لیا ہے جبکہ 3 افراد کی لاشیں نکالی گئی ہیں۔

عملے کے 5 لاپتہ افراد کی تلاش جاری ہے۔



متعللقہ خبریں