مسلم نوجوان کی نعش ملنے پر فسادات کا خطرہ،سری لنکا میں ہنگامی حالت کا نفاذ

سری لنکا میں ہنگامی حالت نافذ کر دی گئی ہے۔

حکام  کے مطابق ،پولیس کی جانب سے کینڈی میں ہنگامہ آرائی پر قابو پانے میں ناکامی کے بعد غیر معمولی اقدامات اٹھانے کا فیصلہ کیا گیا ہے۔

 وزیر اعظم رانل وکراماسنگے کا کہنا ہے کہ  حکومت تمام شہریوں اور خاص طور پر مسلم برادری کو تحفظ فراہم کرنے کے لیے ہر ممکن کوشش کرے گی۔

یاد رہے کہ آج  صبح ایک مسلم نوجوان کی لاش کے ملنے کے بعد فسادات کی شدت کا خطرہ بڑھ گیا تھا جبکہ  گزشتہ روز شروع ہونے والی ہنگامہ آرائی میں مسلم برادری کی املاک اور مساجد کو شدید نقصان پہنچایا گیا تھا ۔