بنگلہ دیش: پیس ٹی وی چینل کو بند کیا جا رہا ہے

بنگلہ دیش میں دینی نشریات دینے والے  ٹی وی چینل کو اس دعوے کے ساتھ  بند کیا جا رہا ہے کہ چینل کا بانی دارالحکومت ڈھاکہ میں حملہ کرنے والوں کے لئے ذریعہ الہام بنا ہے ۔

بنگلہ دیش وزیر اطلاعات و نشریات حسن الحق نے کہا ہے کہ "پیس ٹی وی" کو بند کرنے کے لئے سرکاری اقدامات  کر دئیے گئے ہیں۔

یکم جولائی میں ڈھاکہ کے ایک کیفے میں کئے جانے والے حملے کے بعد سے دوبئی سے اردو اور بنگالی میں نشریات دینے والے پیس ٹی وی چینل کو بنگلہ دیش پریس کی طرف سے نگرانی میں لے لیا گیا تھا۔

نیوز سائٹ  bdnews24.com  نے اپنی خبر میں لکھا تھا کہ بنگلہ دیش خفیہ ایجنسی کو یقین ہے کہ  اسلامی ریسرچ سوسائٹی کے منتظم  اور پیس ٹی وی  چینل کے بانی ذاکر نائک  نے حملہ آوروں کو الہام دیا ہے۔

تاہم نائک نے اس موقف کے ساتھ دعووں کی تردید کی ہے کہ حملہ آوروں نے اگر ان کے وعظوں کو سنا بھی ہو تو بھی اس کا یہ مفہوم نہیں ہے کہ انہوں نے ان پر عمل بھی کیا ہو گا۔

ذاکر نائک نے اپنے سوشل میڈیا پیج سے اپنے 14 ملین فالوئرز سے ان الزامات کے مقابل ان کا دفاع کرنے کی اپیل کی ہے۔

نائک کو خاص طور پر دیگر ادیان  کے بارے میں متنازع بیانات دینے کی وجہ سے  ایک تواتر سے تنقید کا نشانہ بنایا جاتا ہے  اور انہیں اس سے قبل برطانیہ اور کینیڈا میں پناہ کی اجازت دی گئی تھی۔

واضح رہے کہ دارالحکومت ڈھاکہ میں یکم جولائی کو ہونے والے حملے میں 18 غیر ملکیوں سمیت کُل 22 افراد ہلاک ہو گئے تھے۔