ایران کی پارلیمنٹ کے دوسرے مرحلے کے انتخابات میں اصلاحات پسندوں کو برتری
ایران میں پارلیمانی انتخابات کے دوسرے مرحلے میں اعتدال اور اصلاحات پسندوں کو پارلیمان میں گزشتہ ایک دہائی سے زائد عرصہ میں پہلی بار اکثریت حاصل ہوئی ہے۔ صدر حسن روحانی کے حامیوں نے کل نشستوں میں سے 42 فیصد حاصل کی ہیں
ایران کی پارلیمنٹ کے دوسرے مرحلے کے انتخابات کی نتائج کا اعلان کردیا گیا ہے۔
ایران میں پارلیمانی انتخابات کے دوسرے مرحلے میں اعتدال اور اصلاحات پسندوں کو پارلیمان میں گزشتہ ایک دہائی سے زائد عرصہ میں پہلی بار اکثریت حاصل ہوئی ہے۔
صدر حسن روحانی کے حامیوں نے کل نشستوں میں سے 42 فیصد حاصل کی ہیں، جو واضح اکثریت سے معمولی کم ہیں تاہم قانون سازی کے لیے کافی ہیں۔
آزاد امیدواروں نے کل 30 فیصد ووٹ حاصل کیے ہیں اور ان میں بیشتر اصلاح پسند ہیں۔ جمعے کو انتخابات کے دوسرے مرحلے میں ان حلقوں میں پولنگ منعقد ہوئی تھی جہاں فروری میں پہلے مرحلے میں کوئی بھی امیدوار 25 فیصد ووٹ حاصل کرنے میں ناکام رہا تھا۔
سرکاری ذرائع ابلاغ کے مطابق، 68 نشستوں میں سے روحانی کے 'امید کی کرن' نامی اتحاد نے 35 جب کہ قدامت پسند سیاست دانوں نے 19 نشستیں جیتی ہیں جبکہ 14 نشستوں پر آزاد امیدوار کامیاب ہوئے ہیں۔
اس طرح اصلاحات پسندوں نے 290 نشستوں والی پارلیمنٹ میں 120 نشستیں حاصل کرتے ہوئے اپنی برتری قائم کرلی ہے۔
متعللقہ خبریں
بھارت، جموں کشمیر میں کشتی الٹنے سے 6 افراد ہلاک
جموں و کشمیر کے شہر سری نگر میں دریائے جہلم پر زیر تعمیر پُل کے پلرسے ٹکرانے کے بعد کشتی الٹ گئی