ہم خاندانی ادارے کو مضبوط بنانے پر عمل پیرا رہیں گے، صدر رجب طیب ایردوان

خواتین کو نظر انداز کرنے  کوئی  بھی سیاسی تحریک نہ تو کامیاب بن سکتی ہے اور نہ ہی  اپنے اہداف کو پا سکتی ہے

2236537
ہم خاندانی ادارے کو مضبوط بنانے پر عمل پیرا رہیں گے، صدر رجب طیب ایردوان

صدر رجب طیب ایردوان نے اس سال کو "عائلی برس" قرار دیتے ہوئے کہا کہ ہم خاندانی ادارے کو مضبوط بنانے پر عمل پیرا رہیں گے۔

جسٹس اینڈ ڈیولپمنٹ پارٹی کے چیئرمین رجب طیب ایردوان نے اپنی پارٹی کی استنبول صوبائی خواتین کی شاخ کی ساتویں عمومی کانگریس سے خطاب کیا۔

ایردوان نے اس بات پر زور دیا کہ خواتین کو نظر انداز کرنے  کوئی  بھی سیاسی تحریک نہ تو کامیاب بن سکتی ہے اور نہ ہی  اپنے اہداف کو پا سکتی ہے۔

انہوں نے وضاحت کی کہ آج دنیا میں جس گروہ پر سب سے تاریک منصوبے نافذ کیے گئے ہیں وہ خواتین ہیں،  "ہمارے ملک میں خواتین کو ہمیشہ خاندان اور معاشرے کے ایک لازم و ملزوم جزور کے طور پر دیکھا جاتا رہا ہے اور ہمیشہ ان کا احترام کیا جاتا ہے۔ ہمارے وطن  میں، مرد اور عورت کے تصورات  جنسی تفریق پر نہیں بلکہ ایک صنفی فرق  پر مبنی ہیں۔ تفریق بازی  نہ  صرف خاندانی ادارے کو تباہ کرتی  ہے بلکہ یہ چیز ہمیں جدت پسندی سے منخرف کر دیتی ہے۔"

یہ بتاتے ہوئے کہ جہاں شادی کی شرح تیزی سے کم ہو رہی ہے، وہیں طلاق کی شرح بھی تیزی سے بڑھ رہی ہے، صدر نے کہا، "ہم  رواں سال کو عائلی  سال قرار دے کر خاندانی ادارے کو مضبوط کرنا جاری رکھیں گے۔"

بچوں اور نوجوانوں کی ذہنی اور جسمانی صحت کو لاحق ہر قسم کے خطرات کے خلاف نبر آزما ہونے کا ذکر کرتے ہوئے ایردوان نے کہا کہ ہم  قوم کے کسی  بھی فرد کو عالمی اور اخلاقی خطرات کے خلاف غیر محفوظ، تنہا یا بے بس نہیں چھوڑیں گے۔

 



متعللقہ خبریں