صحت کے عالمی ادارے کی جانب سے یوکیرین کو طبی امدادی سامان کی امداد
سامان میں ایک ہزار افراد کے لیے ٹراموا کٹ اورڈیڑہ لاکھ انسانوں کے لیے کافی مقدار میں طبی امدادی اشیا شامل ہیں
یوکیرینی شہریوں کے لیے صحت کے عالمی ادارے کی جانب سے مہیا کیے گئے طبی سا زو سامان پر مشتمل کارگو طیارے نے پولینڈ کے وارسا ہوائی اڈے پر لینڈنگ کی ہے۔
ڈبلیو ایچ او کی جانب سے ایک تحریری بیان میں بتایا گیا کہ دبئی میں تنظیم کے گودام سے طیارے پر کل 36 ٹن طبی سامان لادا گیا اور یوکرین کے ہمسایہ ملک پولینڈ پہنچایا گیا ہے۔
سامان میں ایک ہزار افراد کے لیے ٹراموا کٹ اورڈیڑہ لاکھ انسانوں کے لیے کافی مقدار میں طبی امدادی اشیا شامل ہیں۔
ڈبلیو ایچ او کی ایمرجنسی میڈیکل ٹیموں کے نیٹ ورک کے لیڈرفلاویو سالیو نے کہا ہے کہ یہ امداد وارسا ایئرپورٹ سے یوکرین تک پہنچانے کے لیے تیار ہے۔
"ہمارے پاس زخمیوں کی مرہم پٹی کرنے کے لیے جراحی کا سامان اور دیگر جسمانی شکایات کے لیے ادویات موجود ہیں۔"
انہوں نے بتایا کہ یہ امدادی سامان ٹرکوں کے ذریعے یوکرین پہنچائی جائیگی۔