اداکار روبن ولیئمز اپنی رہائش گاہ پر مردہ پائے گئے

آسکر ایوارڈ یافتہ معروف امریکی مزاحیہ اداکار روبن ولیمز اپنے گھر میں مردہ حالت میں پائے گئے۔
خبر کے مطابق رتریسٹھ سالہ روبن ولیمز کو شمالی کیلی فورنیا میں واقع اُن کے گھر میں مردہ حالت میں پایا گیا۔
پولیس کا کہنا ہے کہ روبن ولیمز نے ممکنہ طور پر خودکشی کی ہے تاہم تحقیقات کے بعد ہی موت کی اصل وجوہات سامنے آسکیں گی۔
دوسری جانب امریکی ذرائع ابلاغ کا کہنا ہے کہ روبن ولیمز شراب نوشی اور منشیات کے استعمال کی عادت سے چھٹکارا حاصل کرنے کی کوششیں کر رہے تھے اور حال ہی میں بحالی کے مرکز بھی گئے تھے جبکہ اُنہیں اِن دنوں شدید ذہنی دباؤ کا بھی سامنا تھا۔