امریکہ میں جنگل کی آگ ابھی تک قابو سے باہر، صدر بائڈن نے دورہ اٹلی منسوخ کر دیا

امریکہ کے شہر 'لاس اینجلس' میں لگی جنگل کی آگ ابھی تک قابو سے باہر ہے۔

آگ کی وجہ سے 5 افراد ہلاک اور سینکڑوں رہائشی مکانات جل کر راکھ ہو چکے ہیں۔

ایک لاکھ سے زائد مکینوں کو متاثرہ علاقے سے نکالے کی کوشش کی جا رہی ہے۔

6 مقامات پر جاری اور 16 ہزار ایکڑ اراضی پر پھیلی آگ کے مناظر سیٹلائٹ سے بھی دیکھے گئے ہیں۔

لاس اینجلس بلدیہ کی سربراہ  'کیرن باس' نے جاری کردہ بیان میں کہا ہے کہ "بادی جھکڑ بہت شدید ہیں۔ عام طور پر اتنی تیز ہواوں کے ساتھ بارشیں بھی برستی ہیں لیکن اس بار صرف تیز اور خشک ہوائیں چل رہی ہیں۔اصل میں آگ کی شدّت کو بیان کرنے کے لئے اتنا کہہ سکتی ہوں کہ محض 12 منٹ میں آگ کے پھیلاو میں 20 گنا اضافہ ہو گیا ہے"۔

7 ہزار 500 سے زائد افراد  پر مشتمل فائر بریگیڈ عملہ آگ بجھانے میں مصروف  ہے۔

آگ کی وجہ سے امریکہ کے صدر جو بائڈن نے اپنا دورہ اٹلی منسوخ کر دیا ہے اور آگ سے پہنچنے والا مادّی نقصان  اندازاً 50 بلین ڈالر ہو سکتا ہے۔