روس اور شمالی کوریا کے درمیان جامع اسٹریٹجک  شراکت داری معاہدے پر عمل درآمد شروع

روس اور شمالی کوریا کے درمیان جون میں طے پانے والا جامع اسٹریٹجک  شراکت داری معاہدہ نافذ العمل ہو گیا ہے۔

روسی وزارت خارجہ کی طرف سے جاری کردہ بیان کے مطابق روسی نائب وزیر خارجہ آندرے رودینکو اور شمالی کوریا کے نائب وزیر خارجہ کم جونگ گیو نے دارالحکومت ماسکو میں شراکت داری کے معاہدے کے نفاذ سے متعلق  پروٹوکول پر دستخط کیے۔

پروٹوکول کے مطابق روس اور شمالی کوریا کے درمیان جامع اسٹریٹجک شراکت داری کا معاہدہ عمل میں آیا ہے۔

یاد رہے کہ ماہ جون میں روسی صدر ولادیمیر پوتن کے شمالی کوریا کے دورے کے دوران دونوں ممالک کے درمیان ایک  اہم  معاہدے پر دستخط کیے گئے تھے۔

کہا گیا ہے کہ یہ معاہدہ  فریقین میں سے کسی ایک پر حملے کی صورت میں باہمی فوجی تعاون پر مبنی ہے اور یہ  شمال مشرقی ایشیا اور ایشیا پیسفک کے علاقوں میں ناقابل تقسیم سیکورٹی نظام کے ساتھ کثیر قطبی عالمی نظام کی تعمیر میں  معاونت فراہم  کرے گا۔