امریکی خلائی فورس نے ٹوکیو میں اپنا اڈہ قائم کرلیا
امریکی خلائی فورس انڈو پیسفک کے کمانڈر بریگیڈیئر جنرل انتھونی مستالیر نے ایک پریس کانفرنس میں اعلان کیا کہ انہوں نے ٹوکیو میں یوکوٹا ایئر بیس پر خلائی سرگرمیوں کے لیے ایک یونٹ قائم کیا ہے
امریکہ کی خلائی افواج نے جاپان کے دارالحکومت ٹوکیو میں قائم اڈے پر ایک یونٹ قائم کیا ہے تاکہ ان کی باہمی عسکری صلاحیتوں میں اضافہ کیا جا سکے۔
بحرہند و بحرالکاہل میں چین کے بڑھتے ہوئے اثر و رسوخ اور شمالی کوریا کے میزائل خطرات کے پیش نظر جاپان اپنے اتحادی امریکہ کے ساتھ اپنی فوجی ہم آہنگی کو مضبوط کر رہا ہے۔
امریکی خلائی فورس انڈو پیسفک کے کمانڈر بریگیڈیئر جنرل انتھونی مستالیر نے ایک پریس کانفرنس میں اعلان کیا کہ انہوں نے ٹوکیو میں یوکوٹا ایئر بیس پر خلائی سرگرمیوں کے لیے ایک یونٹ قائم کیا ہے۔
انہوں نے کہا کہ شمالی کوریا اور روس جیسے خطرات کے ساتھ ساتھ چین بحرہند و بحرالکاہل کے خطے میں استحکام کو خطرے میں ڈالنے کے لیے غیر قانونی، جبری اور جارحانہ ہتھکنڈے استعمال کر رہا ہے۔
انہوں نے کہا کہ امریکہ اور جاپان کا اتحاد پہلے سے کہیں زیادہ مضبوط ہے اور اب خلا میں امن و استحکام برقرار رکھنے کے لیے تیار ہے، انہوں نے مزید کہا کہ یہ اتحاد جاپان کی خلائی نگرانی اور میزائل وارننگ کی صلاحیتوں کی ترقی سمیت مشاورتی اور ماہرین کی مدد فراہم کرے گا۔
سرکاری خبر رساں ادارے کیوڈو کے مطابق فوجی یونٹ کا مقصد جاپان ایئر سیلف ڈیفنس فورس کے ساتھ 'ہموار کوآرڈینیشن' کرنا ہے۔
قومی میڈیا نے اطلاع دی ہے کہ یہ کارروائیاں بیس تنصیبات سے موجودہ سازوسامان کے ساتھ کی جائیں گی اور کسی نئے فوجی سازوسامان کی تنصیب کا منصوبہ نہیں ہے۔
متعللقہ خبریں
"مجھے یقین ہے کہ ہم غزہ میں جنگ بندی تک پہنچ جائیں گے۔"، امریکہ
اسرائیلیوں کو فیصلہ کرنا چاہیے کہ وہ فلسطینیوں کے ساتھ کس قسم کے تعلقات چاہتے ہیں۔
