روس: صدر پوتن نے روس۔شمالی کوریا اسٹریٹجک شراکت داری معاہدے کی منظوری دے دی

روس کے صدر ولادی میر پوتن نے روس اور شمالی کوریا کے درمیان اسٹریٹجک شراکت داری معاہدے کی منظوری دے دی ہے۔

منظور شدہ معاہدہ ملک کے قانونی معلوماتی نظام میں شائع کر دیا گیا ہے۔

دونوں ممالک کے درمیان دفاع، زراعت، صحت، تعلیم جیسے متعدد شعبوں میں تعلقات کے فروغ پر مبنی اس معاہدے میں ایک ایسی شق بھی شامل ہے جس کے تحت کسی ایک فریق پر حملے کی صورت میں دوسرا فریق اسے فوجی امداد فراہم کرے گا۔

معاہدے کے مطابق، دونوں ممالک "جنگ کے سدّباب اور دفاعی صلاحیتوں میں اضافے " کے زیرِ مقصد مشترکہ فوجی مشقیں بھی کر سکیں گے۔

مذکورہ معاہدے پر ماہِ جون میں،  پوتن کے دورہ  شمالی کوریا کے دوران، دستخط کئے  گئے تھے۔اس کے بعد روسی پارلیمنٹ کے ایوانِ زیریں 'دُوما' اور پارلیمنٹ کے ایوانِ بالا 'فیڈریشن کونسل' نے بھی معاہدہ  منظور کر لیا تھا۔