"انتخابی دن دلچسپ ہوگا"میں کملا ہیرس سے آگے ہوں :ٹرمپ

امریکی جمہوری امیدوار ڈونلڈ ٹرمپ نے کہا ہے کہ وہ انتخاب کا فیصلہ کرنے والی تمام سوئنگ ریاستوں میں اپنی ڈیموکریٹک حریف کملا ہیرس سے آگےہیں۔

ڈونلڈ ٹرمپ نے اے بی سی نیوز کو انٹرویو دیتے ہوئے 5 نومبر کو ہونے والے صدارتی انتخابات پر تبصرہ کیا۔

امریکہ کے 60ویں صدر کے تعین کے لیے کل ہونے والے انتخابات کے حوالے سے ڈونلڈ ٹرمپ نے دعویٰ کیا کہ وہ سوئنگ ریاستوں میں حریف ہیرس سے آگے ہیں اور کہا کہ انتخابی دن دلچسپ ہوگا۔

جمہوری امیدوار ٹرمپ نے کہا کہ فاتح انتخابی رات میں واضح ہو جائے گا اور وہ انتخابی نتائج پر اپنا خطاب درست وقت پر کریں گے۔

ملک کی 50 میں سے 43 ریاستوں میں ہر انتخاب میں تقریباً وہی پارٹی نمایاں فرق سے جیت جاتی ہے۔

سات اہم ریاستیں، جنہیں پارٹیوں کے درمیان معمولی ووٹوں کے فرق سے تبدیل ہونے کی وجہ سے "سوئنگ" کہا جاتا ہے، امریکی صدارتی انتخابات کے نتائج کا تعین کرتی ہیں۔

2024 کے انتخابات جیتنے کے لیے درکار 270 ڈیلیگیٹس میں سے 93 کی نمائندگی کرنے والی ایریزونا، نیواڈا، وسکانسن، مشی گن، پنسلوینیا، شمالی کیرولائنا اور جارجیا "سوئنگ سٹیٹس" کی حیثیت رکھتی ہیں۔

انتخابات جیتنے والے شخص کو 20 جنوری 2025 کو حلف برداری کی تقریب کے ساتھ صدارتی عہدہ سنبھالنا ہے۔