روس: یوکرین کے 45 عدد طیارہ ٹائپ ڈرون گرا دیئے گئے ہیں

یوکرین نے روس پر 45 ڈرون حملوں کا اعلان کیا ہے۔ حملوں میں سے 11  دارالحکومت ماسکو پر کئے گئے ہیں۔

روس وزارت دفاع نے حملوں سے متعلق جاری کردہ بیان میں کہا ہے کہ" کیف انتظامیہ نے ڈرون طیاروں کے ساتھ روس کی زمین پر دہشت گردانہ حملوں کی کوشش کی ہے"۔

بیان میں کہا گیا ہے کہ روس فضائی دفاعی سسٹموں نے کُل 45 عدد طیارہ ٹائپ ڈرون مار گرائے ہیں۔  ان میں سے 11 ماسکو میں، 23 بریانسک، 6 بلگورود، 3 کالوگا اور 2 کرسک میں گرائے گئے ہیں۔

روس وزارتِ دفاع نے یوکرین کے ساتھ سرحدی علاقوں میں نئی فوجی یونٹیں متعین کرنے کا بھی اعلان کیا  اور کہا ہے کہ سرحدی علاقوں کے دفاع کے لئے بلگورود، کرسک اور بریانسک میں 3 فوجی یونٹیں متعین کی گئی ہیں۔

وزیر دفاع اینڈرے بیلوسوف نے، سرحدی علاقوں میں فوجی سلامتی کے لئے منعقدہ کوآرڈینیشن کونسل اجلاس میں، کہا ہے کہ    بلگورود، کرسک اور بریانسک کے منتظمین ، مذکورہ 3 علاقوں کے یونٹ کمانڈروں اور وزارت دفاع میں موضوع سے متعلقہ افراد کے ساتھ  24 گھنٹے  براہِ راست رابطہ یقینی بنا دیا گیا ہے۔

بیلوسوف نے کہا ہے کہ کوآرڈینیشن کونسل کمیٹی سے ایک شخص کا انتخاب کیا گیا ہے جو  تمام یومیہ کاروائیوں اور فرائض  کا ذمہ دار ہو گا۔ منتخب شخص، اپنی سطح پر مسئلہ   حل کرنے سے قاصر ہونے کی صورت میں، معاملہ بذاتِ خود مجھے پہنچائے گا اور اس کا فیصلہ میری ذمہ داری ہو گا۔

انہوں نے کہا ہے کہ روس وزارت دفاع کے ہر نمائندے اور بلگورود، کرسک اور بریانسک  کے یونٹ کمانڈروں کی ذمہ داری ہو گی کہ وہ ڈرون اور دیگر حملوں کے مقابل    اپنے علاقے اور علاقے کے شہریوں کادفاع کریں۔

واضح رہے کہ 6 اگست کو یوکرین مسلح افواج، روس کے علاقے، کرسک میں داخل ہوئیں اور اس کے بعد سے دونوں طرف کی افواج میں جھڑپیں جاری ہیں۔