امریکہ مشرق وسطی میں کشیدگی کے ماحول میں گراوٹ لانے کی کوششیں جاری رکھے گا، پینٹا گون

امریکی محکمہ دفاع نے اعلان کیا ہے کہ یہ مشرق وسطیٰ میں کشیدگی کو کم کرنے کے لیے اپنی کوششیں جاری رکھے گا۔

پینٹاگون کے ترجمان میجر جنرل پیٹ رائڈر نے پریس کانفرنس میں صحافیوں کے سوالات کے جوابات دیئے۔

رائڈر نے کہا کہ مشرق وسطیٰ کی صورتحال پر گہری نظر رکھی جا رہی ہے، ہم خطے میں کشیدگی کو کم کرنے کے لیے اپنی کوششیں جاری رکھیں گے۔

انہوں نے کہا کہ خطے کی عسکری صورتحال میں تازہ ترین انتظامات نے امریکہ کو اسرائیل کے دفاع  کے حوالے سے  اپنی امداد کو  بڑھانے کا موقع دیا ہے، ان ترامیم  سے امریکہ کے لیے غیر متوقع حالات کا جواب دینا آسان ہو گیا ہے۔

ترجمان رائڈر نے بتایا کہ جوہری ایندھن سے چلنے والے اور F-35C جنگی طیاروں سے لیس یو ایس ایس ابراہم لنکن اور یو ایس ایس جارجیا آبدوز جلد ہی مشرق وسطیٰ میں اپنے  فرائض  کے علاقےکو پہنچ جائیں گی۔

غزہ پر اسرائیل کے حملوں کے بارے میں سوالات کا جواب دیتے ہوئے رائڈر نے کہا کہ ہم  تمام یرغمالیوں کی وطن واپسی اور غزہ میں جنگ بندی کو یقینی بنانے کی کوشش کر رہے ہیں۔