امریکہ: آسٹن نے 'یو ایس ایس ابراہم لنکن' کو سفر تیز کرنے کا حکم دے دیا

امریکہ کے وزیر دفاع لائڈ آسٹن نے 'یو ایس ایس ابراہم لنکن ایئر کرافٹ کیریئر بحری جہاز' کواپنی تعیناتی کے علاقے کی طرف سفر تیز کرنے کا حکم دے دیا ہے۔

امریکہ وزارت دفاع 'پینٹاگون' کے جاری کردہ بیان کے مطابق آسٹن نے اپنے اسرائیلی ہم منصب یوآف گالانٹ کے ساتھ ٹیلی فونک ملاقات کی ہے۔

مذاکرات میں آسٹن نے کہا ہے کہ "امریکہ، اسرائیل کے تحفظ کے لئے ہر قدم اٹھائے گا"۔

آسٹن نے  جوہری ایندھن سے چلنے والے اور 'ایف۔35 سی'  جنگی طیاروں سے مسلح 'یو ایس ایس ابراہم لنکن بحری جہاز'  کو مشرق وسطیٰ میں اپنے ڈیوٹی کے علاقے میں فوری داخلے کا حکم دینے کا بھی ذکر کیا ہے۔

انہوں نے کہا ہے کہ 'یو ایس ایس جارجیا آبدوز' کو بھی امریکہ مسلح افواج کمانڈ آفس  کے علاقے میں بھیج دیا گیا ہے۔

مذاکرات میں گالانٹ اور آسٹن نے غزّہ پر اسرائیلی حملوں، فائر بندی مذاکرات اور حزب اللہ  کی کاروائیوں پر بھی بات چیت کی ہے۔

واضح رہے کہ اسرائیل کی طرف سے، گذشتہ مہینے لبنان کے دارالحکومت بیروت میں حزب کے کمانڈر فواد شکرو کے قتل کے بعد،  ایران کے دارالحکومت تہران میں حماس سیاسی بیورو کے سربراہ اسماعیل ہنیہ  کے قتل  نے علاقائی تناو میں اضافہ کر دیا تھا۔

ایران اور حزب اللہ نے اسرائیل کو ہنیہ کے قتل کا ذمہ دار ٹھہرایا اور تل ابیب پر جوابی حملے کی دھمکی دی تھی۔