امریکہ نے یوکرین کو نئے فوجی سازو سامان کا پیکیج فراہم کرنے کی منظوری دے دی

متحدہ امریکہ نے اعلان کیا  ہے کہ یہ یوکرین کو، روس کے ساتھ جنگ میں فوری طور پر استعمال کرنے کی ضرورت ہونے والے  "ہتھیاروں اور آلات کا ایک اہم نیا پیکج" بھیجے گا۔

 اسٹیٹ سیکریٹری انٹونی بلنکن کے  دستخط شدہ ایک تحریری بیان میں کہا گیا ہے کہ "امریکہ آج یوکرین کو ایک اہم نئے ہتھیاروں اور ساز و سامان کا پیکج بھیج رہا ہے جس کی روس کے جاری حملوں کے خلاف اپنے دفاع میں اپنی فوجی قوتوں کی مدد کے لیے فی الفور  ضرورت ہے۔"

بیان میں، بلنکن نے کہا ہے، "ہم اس نئی امداد کو جلد از جلد یوکرین کی سرزمین  اور عوام کے دفاع کو مضبوط بنانے کے لیے تعینات کریں گے۔ جیسا کہ صدر  بائیڈن نے واضح کیا ہے، امریکہ اور ہم نے جو بین الاقوامی اتحاد بنایا ہے وہ  یوکرین کے ساتھ شانہ بشانہ ہونے کے عمل کو جاری رکھے گا۔ "

بتایا گیا کہ فوجی امداد کی مالیت 125 ملین ڈالر ہے اور امدادی پیکج میں ہتھیار اور گولہ بارود جیسے "ایئر ڈیفنس، راکٹ سسٹم اور آرٹلری ایمونیشن، کثیر مقصدی ریڈار اور اینٹی ٹینک" شامل ہیں۔

یہ اشتراک کیا گیا ہے کہ ہ جب سے بائیڈن نے یوکرین سیکیورٹی ایڈیشنل اپروپریشن ایکٹ پر دستخط کیے ہیں  یہ تازہ ترین امداد 10 واں سیکیورٹی امدادی پیکج ہے ۔