امریکہ کی اسرائیل کے لیے حمایت غیر متزلزل ہے، پینٹا گون

امریکی محکمہ دفاع (پینٹاگون) نے کہا ہے کہ وہ "ایران سے تعلق رکھنے والے خطرات" کے پیش نظر اسرائیل کی سلامتی کے لیے اپنے تعاون کو وسعت دینے کے لیے خطے میں اضافی جنگی طیارے اور بحری جہاز بھیجیں گے۔

امریکی محکمہ دفاع کی نائب ترجمان سبرینا سنگھ نے اعلان کیا کہ وزیر لائیڈ آسٹن نے ممکنہ ایرانی حملے کی صورت میں اسرائیل کو اضافی فوجی مدد بھیجنے کی ہدایات دی ہیں۔

اس کے مطابق، پینٹاگون خطے میں امریکی فوجی موجودگی کو  تازہ صورتحال کے مطابق  از سر نو منظم کرے گا تاکہ "ایران کے خطرات" کے خلاف اسرائیل کی سلامتی کو بڑھایا جا سکے۔

اس تناظر میں وزیر آسٹن نے اسرائیل کی علاقائی سلامتی کو یقینی بنانے میں شامل امریکی فوجی عناصر کی تعداد بڑھانے اور خطے میں اضافی جنگی طیارے اور جنگی جہاز بھیجنے کی ہدایت کی ہے۔

امریکہ اس  وقت خطے میں خدمات ادا کرنے والے  USS تھیوڈور روزویلٹ طیارہ بردار بحری جہاز کی جگہ USS ابراہم لنکن طیارہ بردار بحری جہاز بھیجے گا۔

پینٹاگون خطے میں بیلسٹک میزائل دفاعی صلاحیت کے ساتھ اضافی کروزر اور ڈسٹرائر بھی بھیجے گا، اور زمینی بیلسٹک میزائل کی دفاعی صلاحیتوں میں بھی اضافہ کرے گا۔

وزیر آسٹن اسرائیل کے دفاع کے لیے مشرق وسطیٰ میں خدمات انجام دینے کے لیے جنگی طیاروں کا ایک اضافی بیڑا بھی خطے میں بھیجیں گے۔

دوسری جانب پینٹاگون کی جانب سے جاری تحریری بیان کے مطابق امریکی وزیر دفاع آسٹن اور ان کے اسرائیلی ہم منصب یوو گیلنٹ کے درمیان اس معاملے پر ٹیلی فون پر بات چیت ہوئی۔

ملاقات کے دوران آسٹن نے اسرائیل کی سلامتی کے لیے امریکہ کے عزم پر زور دیتے ہوئے کہا کہ ہم "ایران اور اس کی توسیع سے لاحق خطرات" کے خلاف تل ابیب کی غیر متزلزل حمایت جاری رکھیں گے۔

آسٹن نے وعدہ کیا کہ جب اسرائیل کی سلامتی کی بات آتی ہے تو وہ خطے میں امریکی فوجی موجودگی کے لیے ضروری انتظامات اوررد و بدل  کریں گے۔

دوسری جانب امریکی وزیر نے گیلنٹ سے کہا کہ "مشرق وسطیٰ میں کشیدگی میں مزید اضافہ ناگزیر ہے" اور "خطے میں کشیدگی میں گراوٹ سب کے مفاد میں ہو گی"اس تناظر میں  غزہ میں جنگ بندی اہم ہے۔