سوڈانی فوج اور ریپڈ سپورٹ فورسسز کے کمانڈروں کے درمیان 7 روزہ فائر بندی پر مطابقت قائم
نئی جنگ بندی کا اطلاق جمعرات کی شب 4 مئی سے ہوگا اور 11 مئی کوا ختتام پذیر ہو گا
سوڈانی فوج اور ریپڈ سپورٹ فورسسز کے کمانڈروں کے درمیان 7 روزہ فائر بندی پر "اصولی طور پر" مطابقت قائم ہو گئی ہے۔
جنوبی سوڈان کی وزارت خارجہ نے اعلان کیا کہ سوڈانی فوج کے کمانڈر جنرل عبدالفتاح البرہان اور کمانڈر محمدRSF حمدان دگالو نے 4 مئی سے شروع ہونے والی 7 روزہ جنگ بندی کے لیے "اصولی طور پر" اتفاق کیا ہے۔
وزارت کی طرف سے جاری کردہ بیان میں کہا گیا ہے کہ سوڈان میں متحارب فریقین نے جنوبی سوڈان کے صدر سلوا کیر مایاردت کی درخواست پر "جنگ بندی پر اتفاق کیا"۔
بیان میں کہا گیا ہے کہ نئی جنگ بندی کا اطلاق جمعرات کی شب 4 مئی سے ہوگا اور 11 مئی کوا ختتام پذیر ہو گا۔
بتایا گیا ہے کہ جنوبی سوڈان کے صدر میاردت نے سوڈان میں تنازع کے فریقین سے کہا کہ وہ جلد از جلد امن مذاکرات شروع کریں۔
میاردت نے کل برہان اور دگالو کے ساتھ اپنی ٹیلی فونک بات چیت میں کہا کہ انہیں یہ طے کرنا چاہیے کہ وہ طویل مدتی جنگ بندی کو یقینی بنانے کے لیے امن مذاکرات کس مقام پر کرنا چاہتے ہیں۔
بیان میں کہا گیا ہے کہ جنوبی سوڈان کی جانب سے سوڈان کے بحران کو حل کرنے کی کوشش مصر، یوگنڈا، کینیا، کینیڈا اور برطانیہ کے حکام سمیت متعدد بین الاقوامی شراکت داروں کے ساتھ متعدد رابطوں کے بعد سامنے آئی ہے۔
بتایا گیا ہے کہ جنوبی سوڈان اور بین الاقوامی شراکت داروں کے درمیان ہونے والی ملاقاتوں میں سوڈانی لوگوں کو انسانی امداد کی فراہمی کے ساتھ ساتھ غیر ملکی شہریوں کے انخلاء کا معاملہ بھی زیر غور آیا ہے۔
