دہشت گردی بہت سے مسائل کی جڑ اور نتیجہ ہے، انتونیو گوٹریس

اقوام متحدہ کے سیکرٹری جنرل انتونیو گوتریس نے کہا ہے کہ دہشت گردی بہت سے مسائل کی جڑ اور نتیجہ ہے۔

گوٹیرس نے اقوام متحدہ کی سلامتی کونسل  میں "اقوام متحدہ اور علاقائی تنظیموں اور میکانزم کے درمیان تعاون کو مضبوط بنا کر دہشت گردی کا مقابلہ کرنا اور تشدد کی روک تھام" عنوان پر    منعقدہ اجلاس سے خطاب کیا۔

انہوں نے کہا کہ دہشت گردی ، سلامتی کونسل میں  بحث ہونے والے  متعدد مسائل  کی جڑ اور ان کا نتیجہ ہے،   دہشت گردی نے سیاسی، اقتصادی اور سیکیورٹی نظاموں کی  خامیوں اور  عدم استحکام سے  استفادہ کرتے ہوئے اپنے اثرِ رسوخ میں اضافہ کیا ہے۔

اس بات کا ذکر کرتے ہوئے کہ دہشت گردی کے حوالے سے افریقہ میں صورتحال خاصی تشویشناک ہے، سیکرٹری جنرل نے نوٹ کیا کہ مایوسی، غربت، بھوک، بنیادی خدمات کی کمی اور بے روزگاری جیسی وجوہات دہشت گرد گروہوں کے پھیلاؤ کے لیے ایک زمین ہموار کر رہی ہیں۔

انہوں نے کہا کہ"جس طرح دہشت گردی لوگوں کو الگ کر دیتی ہے، اسی طرح اس کے خلاف مزاحمت کرنا ممالک کو اکٹھا کر سکتا ہے۔" اقوام متحدہ دہشت گردی کی لعنت کے خاتمے کے لیے افریقی ممالک کے ساتھ کھڑا ہے، جس میں سلامتی کونسل کی سیاسی رہنمائی، مدد اور پابندیاں شامل ہیں۔

گوٹریس نے اس امر پر بھی زور دیا کہ انسداد دہشت گردی  کو انسانی حقوق  کے مرکز میں جگہ دی جانی چاہیے۔

یہ بتاتے ہوئے کہ وہ دہشت گردی کے خلاف افریقی یونین اور علاقائی اور ذیلی علاقائی تنظیموں کے ساتھ قریبی تعاون میں کام کر رہے ہیں، گوٹریس نے کہا  کہ وہ جلد ہی نائجیریا کے ساتھ افریقی انسداد دہشت گردی سمٹ کا اہتمام کریں گے۔