ٹک ٹاک پر پابندی لگانے کےلیے 30 دن کی مہلت دےدی گئی

امریکہ میں وائٹ ہاؤس نے ٹک ٹاک پر پابندی کے نفاذ کے لیے وفاقی ایجنسیوں کو 30 دن کا وقت دے دیا۔

خبرکے مطابق سرکاری ایجنسیوں کے پاس وفاقی آلات اور سسٹمز سے چین کی ویڈیو شیئرنگ ایپ ٹک ٹاک  کو حذف کرنے کے لیے 30 دن کا وقت ہے۔

رپورٹس کے مطابق بائیڈن انتظامیہ کی جانب سے یہ ہدایت اس وقت سامنے آئی ہے جب امریکی سینیٹ نے گزشتہ سال دسمبر میں نے وفاقی حکومت کے آلات پر اس ایپ پر پابندی عائد کی گئی تھی۔

اس حوالے سے ایف بی آئی ڈائریکٹر نے کہا تھا کہ چین کی حکومت ٹک ٹاک کی مالک کمپنی بائٹ ڈینس کو کروڑوں امریکی صارفین کی معلومات جمع کرنے کے لیے استعمال کرسکتی ہے۔