194 ممالک میں سے صرف 53 ممالک نے کویڈ-19 کا ڈیٹا فراہم کیا ہے : ڈائریکٹر جنرل ورلڈ ہیلتھ آرگنائزیشن

ورلڈ ہیلتھ آرگنائزیشن (ڈبلیو ایچ او) کے ڈائریکٹر جنرل ٹیڈروس ادانوم گیبریئس نے کہا ہے کہ  194 میں سے صرف 53 ممالک نے نئی قسم کی کورونا وائرس (کوویڈ 19) کی وبا سے ہونے والی اموات کا ڈیٹا فراہم کیا ہے، انہوں نے  تمام ممالک سے  ڈیٹا شیئر کرنے  کی اپیل کی ہے۔

سوئٹزرلینڈ کے شہر جنیوا میں تنظیم کے ہیڈکوارٹر میں منعقدہ پریس کانفرنس میں گیبریئس نے کہا کہ  دنیا کے ساتھ پہلا کووِڈ 19 کیس شیئر کیے ہوئے 3 سال ہوچکے ہیں، اور کہا کہ اس عمل میں ٹیسٹ اور ویکسین تیار کی گئی ہیں۔

انہوں نے کہا کہ  Omicron ویرینٹ کی اعلی ترین سطح پر پہنچنے کے بعد مشترکہ کیسز کی تعداد میں 90 فیصد کمی واقع ہوئی ہے، گیبریئس نے  کہا کہ  کیسز شیئر کرنے والے ممالک کی تعداد میں بھی ایک تہائی کمی واقع ہوئی ہے۔

انہوں نے کہا کہ  دنیا ایک سال پہلے کے مقابلے میں وبا کے حوالے سے بہت بہتر صورتحال میں ہے۔

انہوں نے کہا کہ فروری سے، ڈبلیو ایچ او کی ہفتہ وار رپورٹ ہونے والی اموات میں 90 فیصد کمی واقع ہوئی ہے  لیکن ستمبر کے وسط سے، ہفتہ وار رپورٹ ہونے والی اموات کی تعداد 10 اور 14 کے درمیان  ہے ۔ دنیا ان اموات کو قبول نہیں کر سکتی جب کہ ہمارے پاس ان کو روکنے کے لیے ہر ممکنہ  ادویات اور آلات موجود ہیں۔

انہوں نے کہا  کہ گزشتہ ہفتے وائرس کی وجہ سے 11,500 اموات ہوئیں، گیبریئس نے بتایا کہ ان میں سے 40 فیصد امریکہ میں، اور 30 ​​فیصد یورپ اور مغربی بحرالکاہل کے علاقے میں واقع ہوئی ہیں ۔

گیبریئس نے چین میں کوویڈ 19 سے متعلق اموات کو کم رپورٹ  کیے جانے کا اظہار کرتے ہوئے کہا ہے کہ اپنی جانیں گنوانے والوں میں سے زیادہ تر عمر رسیدہ افراد شامل ہیں ۔

گیبریئس  نے کہا کہ  متعدد  ممالک کے اعداد و شمار اس بات کی واضح تصویر کو ظاہر کرنے  سے قاصر ہیں  کہ کتنے افراد کہاں ہلاک ہوئے۔

انہوں نے کہا کہ 194 میں سے صرف 53 ممالک  نے عمر اور جنس کے لحاظ سے مختلف اموات کے اعداد و شمار فراہم  کیے ہیں ۔ اس وبا  جس کے پھیلے  ہوئے چار سال کا عرصہ ہوچکا ہے  ہم تمام ممالک سے ڈیٹا شیئر کرنے کا مطالبہ کرتے ہیں۔ ہمارے پاس جتنا زیادہ ڈیٹا ہوگاحقائق  کو جاننے اور تصویر کو واضح کرنے کا موقع میسر آئے گا۔

انہوں نے کہا کہ ہم تمام ممالک سے  خطرے سے دوچار گروپوں بالخصوص بوڑھوں کو ویکسین لگانے پر توجہ دینے  کی اپیل کرتے ہیں اور  تمام  افراد کو  صحت کے لیے  ضروری اقدامات اختیار کرنے  اور دوسروں کی حفاظت کے لیے تمام اقدامات اٹھانے کا مطالبہ کرتے ہیں۔