پیرو میں بلند موجوں کے باعث 80 بندرگاہوں کے استعمال کو روک دیا گیا

آسڑیلیا کے مشرق میں واقع   ملک  تونگا  میں 15 جنوری کو رونما ہونے والے  آتش فشاں پہاڑ میں  دھماکے کے بعد پیرو  میں  سمندری موجوں کی  سطح بلند ہونے  کی بنا پر اس ملک کی 80 بندر گاہوں کو آمدورفت ے لیے بند کر دیا گیا ہے۔

پیرو کے ذرائع ابلاغ میں شائع خبروں کے مطابق  سونامی   پیدا ہونے سے  غیر معمولی موجیں  دیکھنے میں آنے کی وضاحت کرنے والے حکام  کا کہنا ہے کہ اس حوالے سے تدابیر اختیار کر لی گئی ہیں۔

پیرو نیشنل ڈیفنس  انسٹیٹیوٹ   نے دیو ہیکل لہروں کے پیدا ہونے کے عمل  کے  جاری رہنے کی اطلاع دیتے ہوئے   کہا ہے کہ ملک کے  شمالی، جنوبی اور وسطی علاقوں میں واقع 80 بندر گاہوں کو عارضی طور پر  بند کردیا  گیا ہے۔

سمندری کنارے پر رہائش پذیر عوام سے ساحلوں سے دور رہنے کی اپیل کرنے والے حکام نے  یاد دہانی کرائی ہے کہ  ماہی گیری، کھیل اور تفریحی مقاصد  کی حامل تمام تر سرگرمیوں کو روک دیا گیا ہے۔

تونا میں آتشی پہاڑ میں دھماکے کے بعد امریکہ،کینیڈا اور چلی  کے لیے بھی سونامی کا انتباہ دیا گیا تھا۔