برازیل نے بحری سفر روک دئیے
برازیل میں اومیکرون ویریئنٹ کے تیز رفتار پھیلاو کی وجہ سے مسافر بردار بحری جہازوں کے سفر عارضی طور پر منسوخ کر دئیے گئے
برازیل میں اومیکرون ویریئنٹ کے تیز رفتار پھیلاو کی وجہ سے مسافر بردار بحری جہازوں کے سفر عارضی طور پر منسوخ کر دئیے گئے ہیں۔
وفاقی حکومت کے جاری کردہ بیان کے مطابق اومیکرون کے پھیلاو کی وجہ سے تمام مسافر بردار بحری جہازوں کے سفر 21 جنوری تک روک دئیے گئے ہیں۔ یہ فیصلہ ملک کے شعبہ صحت کے حکام کی، حالیہ دنوں میں مسافر بردار بحری جہازوں میں تیزی سے بڑھتے ہوئے، اومیکرون کیسوں سے متعلق وارننگ کو پیش نظر رکھ کر کیا گیا ہے۔
واضح رہے کہ صحت کے حکام نے 26 دسمبر سے لے کر اب تک سیاحتی علاقوں سے روانہ ہونے والے بحری جہازوں میں تقریباً 800 کیسوں کی اطلاع دی اور وائرس کے تیز رفتار پھیلاو کے بارے میں متنبہ کیا تھا۔
رئیو ڈی جینریو بندرگاہ پر لنگر انداز 'MSC پریزیوسا' مسافر بردار بحری جہاز کے مسافروں میں سے 26 افراد میں اور عملے سے 2 افراد میں کووِڈ۔19 کی تصدیق کے بعد مسافروں کو خشکی پر اترنے کے لئے 6 گھنٹے انتظار کرنا پڑا تھا۔
متعللقہ خبریں
نائیجیریا: جیل ٹوٹ گئی قیدی فرار ہو گئے
نائیجیریا میں شدید بارشوں اور طوفان کی وجہ سے جیل کا ایک حصّہ منہدم ہونے کے بعد 119 قیدی فرار ہو گئے