امریکہ کا یوکیرین کو روس کے برخلاف تحفظ دینے کا عندیہ
وائٹ ہاؤس کی جانب سے جاری کردہ اعلامیہ کے مطابق جو بائڈن اور ولا دیمر زیلنسکی کے درمیان ٹیلی فونک بات چیت ہوئی
امریکی صدر جوبائڈن نے یوکیرینی صدر ولادیمیر زیلنسکی کو ضمانت دی ہے کہ اگر روس نے ان کے ملک پر قبضہ کرنے کی کوشش کی تو ہمارا ملک اور اس کے اتحادی بھر پور تعاون فراہم کریں گے۔
وائٹ ہاؤس کی جانب سے جاری کردہ اعلامیہ کے مطابق جو بائڈن اور ولا دیمر زیلنسکی کے درمیان ٹیلی فونک بات چیت ہوئی۔
ملاقات کے دوران بائیڈن نے زیلنسکی کو بتایا، "امریکہ، اس کے اتحادی اور شراکت دار یوکرین پر مزید روسی حملے کی صورت میں فیصلہ کن جواب دیں گے۔"
دونوں رہنماؤں نے اگلے ہفتے منعقد ہونے والے نیٹو ۔روس کونسل میں دوطرفہ اسٹریٹجک استحکام کے مذاکرات کے لیے بھی اپنی حمایت کا اظہار کیااور یورپی سلامتی و تعاون تنظیم میں سفارتی کوششوں میں تعاون کا اعادہ کیا۔
بائیڈن نے یوکرین کی خودمختاری اور علاقائی سالمیت، ڈونباس میں کشیدگی کو کم کرنے کے لیے اعتماد سازی کے اقدامات اور منسک معاہدے کے نفاذ کے لیے فعال سفارت کاری کا بھی عندیہ دیا۔