نائیجیریا: فوجی کانوائے پر حملہ 19 افراد ہلاک

نائیجیریا کے شمال مشرق میں دہشت گرد تنظیم بوکو حرام کی طرف سے فوجی کانوائے پر حملے کے نتیجے میں 19 افراد ہلاک ہو گئے ہیں۔

قومی ذرائع ابلاغ کے مطابق دہشت گرد تنظیم بوکوحرام کے دہشت گردوں نے جھیل چاڈ کے جوار میں واقع علاقے  گوڈمبالی  میں فوجی کانوائے پر حملہ کر دیا ۔

حملے میں 15 فوجیوں اور 4 کمبائن ڈیوٹی فورس کے اہلکاروں سمیت کُل 19 فوجی ہلاک ہو گئے ہیں۔

نائیجیریا کے فوجی ترجمان محمد یریما نے جاری کردہ بیان میں کہا ہے کہ حملے میں کثیر تعداد میں فوجی زخمی بھی ہوئے ہیں۔

واضح رہے کہ نائیجیریا میں بوکو حرام دہشت گرد تنظیم 2000 کے سالوں سے کاروائیاں کر رہی ہے۔ 2009 سے اب تک کئے گئے دہشت گردانہ حملوں میں 20 ہزار سے زائد افراد ہلاک ہو چکے ہیں اور لاکھوں افراد نقل مکانی  کر چکے ہیں۔